Þekkingarnet Austurlands

Málþing á Fljótsdalshéraði um stjórnun þjóðgarða og friðlýstra svæða

Mánudagur, 30 Ágúst 2010 09:00

11. - 12. október 2010

Vinnuhópur á vegum Vísindagarðsins ehf vinnur nú að undirbúningi málþings um stjórnun friðlýstra svæða. Frummælandi er Stephen McCool sem er alþjóðlega virtur sérfræðingur á sviði þjóðgarðastjórnunar og höfundur fjölda rita um málefnið. Auk hans munu taka til máls Íslenskir sérfræðingar.

Málþingið hefst á hádegi 11.október og verða fyrirlestrar þann dag. Þriðjudaginn 12.október verður farin vettvangsferð inn á Austursvæði Vatnajökulsþjóðgarðs þar sem umræðum verður haldið áfram í hópum.

Í tengslum við málþingið verður 13. og 14. október haldið námskeið/vinnustofa þar sem Stephen McCool verður aðal leiðbeinandinn. Meginumfjöllunarefni námskeiðsins er LAC (Limits of Acceptable Change) sem er þekkt aðferðafræði við skipulag og stjórnun friðlýstra svæða. Einnig verður fjallað um alþjóðlega ábyrgð okkar varðandi friðlýst svæði.

Námskeiðið hentar sérstaklega vel starfsmönnum friðlýstra svæða auk annarra sem láta sig málefnið varða.

Ítarleg dagskrá verður gefin út fljótlega og birt á heimasíðu Vísindagarðsins ehf og Rannsóknatorgi ÞNA

Austurlandsakademían - Námskeið í September

Miðvikudagur, 25 Ágúst 2010 10:21

Plöntugreiningarnámskeið - Helgarnámskeið á Reyðarfirði 4. og 5.sept

Námskeið ætlað öllum sem hafa áhuga á að skoða og læra að þekkja íslenskan gróður. Markmiðið er að skoða íslenskar plöntur og læra undirstöðuatriði í notkun greiningarlykla til að greina tegundir plantna. Farið verður í vettvangsferðir og unnið í kennslustofu.

Kennari: Guðrún Á Jónsdóttir, gróðurvistfræðingur

Skógarupplifun - ferðaþjónusta - Egilsstöðum 24. og 25.sept

Námskeiðið er ætlað öllum sem hafa áhuga á að fræðast um skógrækt og skipulag útivistarsvæða. Námskeiðið hentar áhugafólki um íslenska náttúru og aðilum í náttúrutengdri ferðaþjónustu með áherslu á skóglendi. Farið verður í vettvangsferðir og unnið í kennslustofu.

Kennarar: Sherry Curl, Ólafur Oddsson og Hallgrímur Indriðason , skógfræðingar.

Rannsóknanámssjóður Austurlands

Þriðjudagur, 17 Ágúst 2010 14:50

Rannsóknanámssjóður Austurlands veitir háskólanemum styrki til að vinna skólaverkefni í samstarfi við stofnanir og fyrirtæki fjórðungsins. Styrkur er veittur samkvæmt kvittunum fyrir útlögðum kostnaði, allt að 100.000 kr. eftir stærð verkefnis. Með umsókn þarf að fylgja staðfesting á verkefninu frá skóla og samstarfsaðila. Umsóknarfrestur er til 1. október

Nánari upplýsingar veitir Guðrún Jónsdóttir ( Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það. ) í síma: 477 1838

Umsóknareyðublað er að finna á vefnum www.rannsoknatorg.is

Námsvísir haustannar er kominn í prentun

Þriðjudagur, 17 Ágúst 2010 13:51
Námsvísir haustannar er kominn í prentun og verður borinn í hús í lok þessarar viku eða byrjun næstu viku. Einnig er hægt að hlaða honum niður hér vinstra megin á síðunni.

Vinir Vatnajökuls auglýsa eftir styrkumsóknum

Mánudagur, 16 Ágúst 2010 13:35

Vinir Vatnajökuls eru Hollvinasamtök Vatnajökulsþjóðgarðs. Samtökin styrkja rannsóknir, kynningar- og fræðslustarf sem stuðlar að því að sem flestir geti notið náttúru og sögu Vatnajökulsþjóðgarðs. Næsti umsóknarfrestur er til 29.sept. 2010.

Hægt er að fá nánari upplýsingar og sækja um styrk á heimasíðu samtakanna.

Fleiri greinar...